Son obrigatorias as prácticas curriculares do mestrado?
Non son obrigatorias, son curriculares; isto é: se non fas as prácticas tes que sumar créditos en outras materias (optativas) para rematar o máster.
Cantas horas de traballo supón a realización das prácticas curriculares?
Segundo o plan de estudos deste máster son de 225 horas.
En que período se realizan as prácticas?
O período de prácticas publícase cada curso académico e adoita ir desde o inicio do segundo semestre do curso académico até o 30 de setembro.
En que datas concretas se realizan as prácticas?
No calendario e horario que o requira a empresa, sempre que non coincida coas horas de clase.
Podo elixir as datas concretas nas que realizar as miñas prácticas?
Non, podes elixir as empresas e institucións que mais che interesan. O período márcano elas.
Como se asignan as empresas aos estudantes?
Segundo as preferencias que manifeste o alumnado nas súas solicitudes e en orde de expediente académico.
Que funcións vou desenvolver nas miñas prácticas?
É imprescindible estar en contacto con funcións de dirección ao nivel intermedio mais, en moitas ocasións, é preciso un período de contacto coas funcións de nivel básico.
Podo coñecer que actividades concretas vou desenvolver?
Non, dependen das necesidades da empresa e as posibilidades que recoñeza no teu propio perfil.
Que son as prácticas extracurriculares?
Son extracurriculares as prácticas que pode realizar o alumnado fóra do contido do plan de estudos.
Cantas horas de traballo supón a realización de prácticas extracurriculares?
As prácticas extracurriculares terán unha duración preferentemente non superior ao cincuenta por cento do curso académico, é dicir, 30 ECTS, que equivalen a 750 horas considerando unha equivalencia de 25h/ECTS.
Quen organiza as prácticas curriculares do mestrado?
O Decanato da Facultade de CC. EE. e Empresariais.
Quen me pode axudar coas cuestións de natureza académica?
Marisa del Río, Profesora do Departamento de Organización de Empresas e Comercialización: marisa.delrio@usc.es
Quen me pode axudar coas cuestións administrativas?
José Mato, da Unidade de Xestión Académica da Facultade de CC. EE. e Empresariais: oesec@usc.es
Quen me pode axudar cos problemas concretos unha vez iniciada a práctica?
O teu titor/a académico/a.
Onde podo obter información detallada sobre as prácticas?
Na nube da USC: Formularios e documentos de apoio