Estes premios recoñecen a innovación e o deseño como factores esenciais para aumentar a competitividade, o rendemento económico e a calidade de vida dos cidadáns. Con eles preténdese fomentar a cultura do deseño e da innovación en España, tanto no ámbito empresarial como no conxunto da sociedade.
Modalidades dos premios
- Premio Nacional de Innovación na modalidade “Traxectoria Innovadora”, dirixido a profesionais cunha traxectoria de polo menos dez anos na que a innovación foi unha das características relevantes.
- Premio Nacional de Innovación na modalidade “Gran Empresa”, dirixido a grandes empresas cunha actividade innovadora de polo menos dez anos.
- Premio Nacional de Innovación na modalidade “Pequena e Mediana Empresa”, dirixido a pequenas e medianas empresas cunha demostrada actividade innovadora de polo menos cinco anos.
- Premio Nacional de Deseño na modalidade “Profesionais”, dirixido a profesionais do deseño (persoas físicas ou equipos de profesionais) cunha traxectoria de polo menos dez anos de recoñecido prestixio no sector.
- Premio Nacional de Deseño na modalidade “Empresas”, dirixido a empresas consolidadas que incorporasen o deseño á súa estratexia empresarial durante polo menos dez anos.
- Premio Nacional de Deseño na modalidade “Novos Deseñadores”, dirixido a aqueles creadores, cunha idade que non exceda os trinta e cinco anos no día da presentación da candidatura, e cunha traxectoria profesional inferior a dez anos.
O prazo de presentación de solicitudes rematará o 7 de xullo de 2022 ás 15h.
Extracto da Orde pola que se convocan os Premios Nacionais de Innovación e de Deseño 2022 (boe.es)