Algunha das medidas son:
Para os alumnos
- Suspensión do cobro das cotas a todos os alumnos que vivan nas residencias da USC mentres dure esta situación excepcional de suspensión da actividade docente presencial.
- Nestes días crearanse unhas axudas para que os alumnos teñan acceso a internet e poidan seguir as clases de forma online.
- Vaise crear unha Oficina Virtual de Atención, a través dela atenderanse demandas de información por vía telefónica, correo electrónico e WhatsApp.
- Mediante unha páxina web de Preguntas Frecuentes, onde se actualizarán todas as demandas de información máis repetidas.
En canto ás clases online:
- Creación dunha páxina web onde se centrará toda a información respecto diso. As diferentes seccións da páxina e os documentos que recompilan as ferramentas tanto para o profesorado coma para o alumnado estarán actualizados.
- Na canle de YouTube da USC, publicaranse diferentes titoriais que se están a elaborar nestes intres, co obxectivo que tanto os alumnos coma os profesores coñezan as ferramentas para as clases a distancia.
- A USC comprou licencias para que os alumnos desde os seus domicilios particulares poidan usar diferentes ferramentas e así a aprendizaxe non se vexa mermada ao non poder o alumnado asistir a clase de forma presencial.
En canto ó tema académico:
- A Resolución do reitorado do 23 de marzo precisa, ademais, que as medidas acordadas son aplicables “tanto aos estudos oficiais (grao, máster e doutoramento) coma aos títulos propios. En función da duración da suspensión de actividades determinarase como proceder para a avaliación e cualificación procedendo, de ser necesario, á reprogramación do calendario académico. Nos próximos días débense adaptar todos os apartados a excepción do que refire á avaliación, que se tratará nun momento posterior, dependiendo dos datos que se teñan determinarase se a avaliación será presencial ou se se teñen que explorar outras alternativas.
- Tamén se acordou que as prácticas poidan facerse en setembro, posto que é posible que a defensa do TFG se faga antes de rematalas mesmas.
Estamos saturados de información pero non está de máis recordalas medidas de protección fronte ó Covid- 19 que lanzou a Xunta de Galicia.
Fonte: Xunta.gal