Se aínda non a visitaches e tés a posibilidade, ata o mes de xaneiro estará dispoñible a mostra máis completa sobre a Xeración Nós con máis de 300 pezas, coincidindo co centenario da publicación da revista Nós. A exposición inclúe obras de países como Francia, Alemaña e Portugal debido ás grandes relacións internacionais da revista e dos seus impulsores, o que supuxo unha enorme difusión da cultura de Galicia.
Esta exposición está incluída no Xacobeo 2021 co que o Goberno galego contribúe a dar a coñecer a riqueza dos fondos públicos recibidos de numerosas fundacións e entidades, así como de prestacións privadas. Trátase dunha viaxe dende os tempos dos pais do galeguismo ata a actualidade.
A mostra permite contemplar obras que foron obxecto de estudo da revista, como o Santiago de Morlaix, o Cristo de Santa Eufemia de Ambía, os esmaltes de Limoges da Catedral de Ourense, o puñal de Beluso ou o ronsel de Florderrei Lanuxe.
Os comisarios desta exposición son Afonso Vázquez- Monxardín Fernández e Ana Acuña Trabazo.
Grazas ao traballo da startup galega Xoia Software Development poderemos gozar dos debuxos de Castelao ou viaxar ás cidades galegas do S. XIX; experiencias que pode vivir o visitante nesta exposición.
A exposición emprega as novas tecnoloxías como un elemento que axuda a construír o relato expositivo a través do uso de elementos interactivos, audiovisuais ou a realidade aumentada. Ademais, atendendo á situación xerada pola pandemia da Covid-19 e para minimizar calquera risco de contaxio, todos os elementos interactivos empregan tecnoloxías sen contacto físico.
Estará dispoñible ata o 17 de xaneiro de 2021 de martes a domingo en horario de 10 a 20 horas, na segunda planta do Museo do Centro Gaiás.
A continuación un breve vídeo introductorio da exposición.
Fonte: Cidade da Cultura