blog

Programa de axudas a organismos de investigación e de difusión de coñecementos para proxectos de I+D para dar resposta aos retos dos destinos turísticos

Finalidade da línea de axudas

Favorecer a xeración dunha masa crítica en I+D+i de carácter interdisciplinar para a súa aplicación, transferencia, procura de solucións e xeración de resultados ao servizo dos grandes retos aos que se enfrontan os destinos turísticos e de forma especial, que non exclusiva, aqueles que se integran na Rede de Destinos Turísticos Intelixentes (en diante, RDTI), cuxo principal obxectivo é liderar desde a sustentabilidade o desenvolvemento do sector turístico a través da innovación e a tecnoloxía.

Obxectivo da RDTI

Promover sinerxias e transferencia de coñecemento maximizando os beneficios da metodoloxía DTI.

Prazo

Ata o 28 de maio de 2022

Fonte: www.boe.es

Bases reguladoras

Mellores Traballos de Fin de Mestrado (TFM) en galego 2021/22

A Vicerreitoría de Planificación, Tecnoloxías e Sustentabilidade, a través do Servizo de Normalización Lingüística (SNL) promove a XVIII edición dos Premios á calidade lingüística en galego para o curso académico 2021-2022.

O obxecto desta convocatoria é fomentar o uso da lingua galega ligada á calidade formal na elaboración e defensa dos traballos académicos do alumnado.

Requisitos para a inscrición

Pode optar aos premios o estudantado matriculado en titulacións oficiais de grao ou mestrado da USC no presente curso académico.

As modalidades de participación son as seguintes:

traballo académico de curso de grao
traballo de fin de grao (TFG)
traballo de fin de mestrado (TFM)

É preciso que se obtivese cando menos a cualificación de aprobado.

15 premios e diploma

Establécense quince premios en metálico e diploma acreditativo, que se repartirán por cada unha das grandes áreas de coñecemento e para cada unha das modalidades.

As áreas de coñecemento divíndense en:

Ciencias da Saúde
Ciencias
Ciencias Sociais e Xurídicas
Enxeñaría e Arquitectura
Humanidades

Para os traballos de fin de mestrado (TFM) outorgaranse cinco premios de 500 euros e cadanseu diploma acreditativo por cada área de coñecemento.

Prazo de presentación

O prazo de presentación dos traballos fin de mestrado remata o 30 de setembro de 2022.

A presentación realizarase a través do Rexistro Electrónico da Sede Electrónica da USC mediante o procedemento “solicitude xenérica”.

Xurado e publicación da resolución

O xurado avaliará a corrección lingüística, o emprego acaído da linguaxe de especialidade, a calidade na redacción, a presentación da información e a estruturación do traballo. A súa decisión é inapelable.

A acta de resolución do xurado publicarase no web do Servizo de Normalización Lingüística. Ademais, informarase dos premios a través do Xornal da USC.

O SNL comunicaralles ás persoas gañadoras a concesión do premio ou mención mediante unha chamada de teléfono e/ou un correo electrónico segundo os datos das credenciais de estudante da USC.

ACCESOS DIRECTOS A MÁIS INFORMACIÓN

Sexta edición do Premio Peme do Ano 2022

O Banco Santander, a Cámara de Comercio de Santiago de Compostela e a Cámara de A Coruña convocan, en colaboración coa Cámara de España e o diario La Voz de Galicia, a sexta edición do Premio Pyme do Ano.

Neste certame, ponse en valor ás pequeñas e medianas empresas.

O obxectivo deste certame é recoñecer o labor das pequenas e medianas empresas como xeradoras de riqueza e creadoras de emprego no desempeño do seu labor cotián.

Poden optar a este premio todas aquelas empresas con menos de 250 empregados e cunha facturación inferior aos 50 millóns de euros ao peche do exercicio 2021 que teñan a sede social na provincia da Coruña.

O xurado poderá concede tamén catro accésits nas categorías de Internacionalización, Innovación e Dixitalización, Formación e Emprego e Peme Sostible.

O xurado valorará nas súas deliberacións méritos como a creación de emprego, con especial atención ao emprego indefinido; as accións de formación para os empregados; a internacionalización da empresa; as iniciativas de dixitalización e innovación, así como os proxectos sostibles nos que participaron.

Para participar, será preciso revisar as bases do concurso e enviar cuberto o formulario de inscrición.

Máis información

Nova edición do programa Argos 2022

Que é Argos?

Trátase dun programa de emprendemento co obxetivo de que, a través da creación de equipos multidisciplinares, se creen proxectos de negocio innovadores a partir de resultados de investigación que a USC poñerá a disposición dos equipos, ou calquera outra idea de negocio e tecnoloxía achegada polos propios participantes.

Destinatarios/as do programa

Alumnado no seu último ano dos seus estudos de grao na USC.
Alumnado de Posgrao, mestrado ou Doutoramento.
Egresados das últimas catro promocións.
Colaboradores ou persoal de grupos e centros de investigación.

Cando se desenvolverá o programa?

Entre o 4 de abril e o 30 de xuño de 2022.

Premios para os participantes:

Os concursantes poderán optar a 6.000€ en premios repartidos entre as categorías:

Argos Spin, aos proxectos desenvolvidos a partir de resultados de investigación da USC.
Argos Enxeño, aos plans de empresa desenvolvidos a partir de ideas de negocio aportadas polos participantes.

Como inscribirse no programa?

Podes ler as bases do convocatoria Argos 2022 e inscribirte nesta ligazón antes do 18 de marzo de 2022.

Ver folleto