A Xunta de Galicia lanza a campaña “Galicia volve”

A Xunta de Galicia lanza a campaña “Galicia volve” reactivando o turismo e destacando a comunidade galega como segura e entrañable

 

O presidente da Xunta de Galicia, Alberto Núñez Feijóo, participou hoxe na presentación da nova campaña de promoción turística “Galicia volve”, onde deu a benvida aos visitantes a unha Galicia resaltando que a comunidade os espera cos brazos abertos.
Na presentación, participaron ademais o conselleiro de Cultura, Román Rodríguez e o presidente do Clúster de Turismo de Galicia, Cesáreo Pardal.

Desde o 21 xuño, Galicia prepárase para recibir turistas grazas á apertura do espazo Schenguen e a partir do 1 de xullo a comunidade recibirá aos veciños de Portugal. Tamén o 1 de xullo abrirá as súas portas a catedral de Santiago, volvendo ser o lugar de encontro espiritual de Europa e dos peregrinos que realizan o camiño de Santiago.

Galicia, despois de tres meses de confinamento, ofrece 986 praias, dous millóns de hectáreas de bosques, unha oferta termal incomparable e un patrimonio secular rico, diverso e accesible.

Feijóo destacou que “cada novo establecemento que reabre as súas portas é unha parte de Galicia que recobra vida e ilusión”, e valorou o esforzo e a implicación de todo o sector para facer, en colaboración coa Administración galega, que turismo e seguridade fosen da man.

O sector turístico representou no 2019 case o 10,5% do PIB galego e o 11% do emprego.

Pola súa banda, Cesáreo González Pardal asegurou que o sector está máis preparado que nunca para dar seguridade e tranquilidade, xa que Galicia conta con recursos impresionantes e recibirá a todo o mundo cos brazos abertos.

Fonte: Xunta de Galicia 

“Galicia volve” busca o regreso do turismo á comunidade, como un destino seguro, privilexiado e entrañable, onde calquera pode sentirse como na súa casa e ten acceso a unha cultura do auténtico.

Benedicta Sánchez, que gañou un premio Goya pola súa interpretación no filme O que arde dirixida por Oliver Laxe, é a imaxe desta iniciativa e representa ás persoas maiores, que foron os que máis padeceron nestes meses da pandemia do Covid- 19.

Fonte: La Voz de Galicia

 

A continuación, pódese visualizar a campaña nomeada a anteriormente:

 

Campaña “Galicia volve”

 

 

Prácticas na Fusion For Energy

O programa de prácticas de Fusion For Energy (F4E) ten como obxectivo promover a conciencia, o coñecemento e a comprensión do papel de Europa no Proxecto ITER e no contexto europeo, así como proporcionar capacitación aos graduados universitarios no campo da enxeñería nuclear, física, administración e comunicación. O nome do proxecto, “ITER”, ven dado polo seu significado en latín, pois traducido quere dicir “o camiño” e, por tanto, o proxecto busca ser o maior experimento do mundo no camiño cara á enerxía de fusión.

O período de prácticas do proxecto é retribuído e ten unha duración de catro a nove meses en calquera das sedes de F4E: Barcelona (España), Cadarache (Francia) ou Garching (Alemaña). Este proxecto comezará en outubro 2020.

Prazo de inscrición:

Do 4 xuño de 2020 ao 25 de xuño 2020 (aquelas persoas interesadas poderán solicitar un máximo de 3 postos).

Perfís demandados

• Enxeñeiros e físicos

• Avogados

• Expertos en recursos humanos, finanzas, adquisicións.

• Comunicadores

Para máis información sobre o programa pode premer nesta ligazón ou enviar un email a traineeships@f4e.europa.eu 

A USC elixida entre as 500 universidades do mundo

A USC en moi boa posición entre as universidades españolas segundo a clasificación do CWUR e de U- Multirank

Center for World University Rankings ( CWUR) elabora informes sobre as únicas clasificacións universitarias que miden a calidade da educación e a formación dos estudantes, así como o prestixio dos membros da facultade e a calidade da súa investigación, sen basearse en enquisas e peticións de datos da universidade. O 8 de xuño de 2020, o CWUR ven de publicar esta clasificación que sitúa á USC no posto 461 de 2.000 centros a nivel internacional. En dita clasificación, analizouse unha mostra de 20.000 centros académicos os cales se clasificaron segundo o seu exercicio académico. Os aspectos máis valorados da universidade compostelá son o rendemento investigador e a empregabilidade. Grazas a estes aspectos, a USC sitúase no posto 13 de 53 institucións españolas que se inclúen nesta clasificación.

Esta clasificación emprega sete obxectivos e unha serie de indicadores nos que se valora de xeito especial a calidade da educación en base a :

  • Número de alumnos premiados con recoñecementos internacionais
  • Inserción laboral do alumnado,
  • Calidade do persoal docente
  • Rendemento investigador,

A USC obtén a cualificación “A, a máxima dun total de catro niveis

Outra clasificación mundial de universidades é o U- Multirank que propón un novo enfoque para a elaboración de clasificacións de institucións de educación superior. A novidade desta clasificación universitaria vén dada polas súas características básicas fundacionais que o diferencian doutras clasificacións existentes. O U- Multirank distínguese polo seu rigor e eshaustividad, promove o desenvolvemento económico e social, é multidimensional, independente, personalizable e ten cobertura mundial. Éste baséase en tres criterios:

  1.  Investigación
  2. Transferencia de coñecemento
  3. Interacción coa súa contorna

E son, efectivamente, nos cales obtén mellores puntuacións a USC. Esta clasificación compara datos de 79 universidades españolas e máis de 1.700 universidades de todo o mundo. A USC obtén a cualificación “ A”, a máxima que se outorga. A cualificación outorgóuselle á USC principalmente por:

  1. Número de publicacións científicas incluídas nas bases de datos de Web of Science
  2. A súa capacidade para captar fondos de investigación privados, sen necesidade de recorrer ás subvencións públicas.
  3. A súa porcentaxe de publicacións académicas en revistas
  4. A porcentaxe de publicacións mencionadas en listas de referencia con polo menos unha patente internacional.

Así mesmo, a USC é o centro de referencia respecto á crise do Covid-19, de feito estase a elaborar un Plan de Acción para o vindeiro curso 2020-2021co fin de que as clases se poidan desenvolver coas máximas garantías.

Fonte:  USC 

Descubrindo a Ribeira Sacra

A Ribeira Sacra, un Ben de Interese Cultural

O Presidente da Xunta de Galicia, o 27 de decembro de 2018, declarou a paisaxe da Ribeira Sacra como un Ben de Interese Cultural (BIC). A Ribeira Sacra sitúase entre as provincias de Lugo e Ourense, lugar do interior de Galicia cunha infinidade de paisaxes inabarcables que, grazas a unha chea de miradoiros, podemos gozar. É unha terra de viñedos os cales se distribúen graduados polas agrestes ladeiras, mosteiros antigos e o caudaloso río Sil, cruzando un canón de máis de 500 metros de profundidade, o que fai que esta comarca sexa máxica. O visitante atópase na Ribeira Sacra cunha gran oferta de lecer: desde catas de viño, percorridos polo Sil en catamarán, roteiros de sendeirismo, visitas culturais e ata saídas en globo.

O Roteiro dos Miradoiros do Sil

Un dos roteiros máis destacables é o Roteiro dos Miradoiros do Sil. Dende este miradoiros, pódense obter incribles panorámicas deste fenómeno naturados canóns. A continuación, resumimos estes miradoiros:

• Balcón de Madrid: É o máis coñecido, visitado e un dos miradoiros máis espectaculares de Galicia. Recibe ese nome porque era o lugar onde se despedían aos barquilleiros que se ían a traballar a Madrid.

• Miradoiro de Cabezoás: Dende este miradoiro contemplarás paisaxes que che lembrarán a paisaxes de Noruega ou de Nova Zelanda. Este é a última curva que forma o río Sil, na localidade de Parada de Sil, para seguir o seu camiño ata Nogueira de Ramuín e enfronte, atopámonos coa localidade de Sober.

• Miradoiro de Santiorxo: Dende este miradoiro terás a sensación de estar na proa dun barco e poderás observar o canón ao seu paso por Sober. Ademais o mellor é que podes contemplar o Mosteiro de Santa Cristina de Ribas do Sil.

• Miradoiro de As Penas de Matacás: Teremos vistas do embarcadoiro de Doade, dende o cal se colle o catamarán que percorre o río Sil. Na seguinte galería de fotos, poderemos observar unha parte da beleza da paisaxe dende os miradoiros anteriormente mencionados.

Fonte: Quincemil

Gastronomía e cultura

Asemade, a Ribeira Sacra tamén conta cunha oferta gastronómica e cultural de gran interese, comezando polos seus viñedos e a súa Denominación de orixe, establecida dende o 1997. En Monforte de Lemos celébrase anualmente o “Festival do Viño da Ribeira Sacra“, unha iniciativa promovida polo Consello Regulador da Denominación de Orixe Ribeira Sacra e o Concello de Monforte de Lemos. As marxes do Río Cabe ao seu paso por Monforte, convértense ao longo de tres días no escenario principal para a promoción e degustación dos viños da D.O. Ribeira Sacra. Neste festival intégrase tamén unha ampla oferta lúdica, cultural, gastronómica e turística, nun ambiente tranquilo e relaxado para todos os públicos.

Algunhas das bodegas que participan neste evento son:

Fonte: Festival do Viño 

Por outra banda, na Ribeira Sacra tamén se celebra o “Festival Ribeira Sacra”que este ano cumpre a súa XVII edición. Neste Festival participan artistas nacionais e internacionais e, por suposto, tamén se pon en valor a gastronomía e o patrimonio nun enclave natural espectacular.

Dende o ano 1996, a Ribeira Sacra está incluida na Listaxe do Patrimonio Mundial e o vindeiro ano 2021, saberemos se se converte en patrimonio da humanidade despois de que a súa candidatura sexa avaliada polo Comité do Patrimonio da UNESCO Fonte: Xunta de Galicia    Finalmente, gustaríanos amosarvos nun vídeo a beleza deste enclave, onde se fai un percorrido virtual polas paisaxes espectaculares desta comarca, e recorda que este verán podemos #quedarengalicia e desfrutar de todo o que ofrece.

Convocatoria de axudas da USC para un mellor desenvolvemento da docencia virtual do alumnado

Destinaranse 60.000€ para a concesión destas axudas. A axuda servirá para cofinanciar o 90% do gasto da internet soportado pola persoa beneficiaria, ata un máximo de 40€.

Os gastos correspondentes a unha liña fixa ou de móbil, así como os servizos de acceso a internet non asociados a unha liña telefónica serán subvencionables. O período que abarcarán os gastos subvencionables serán do 16 de maio ao 15 de xuño de 2020.

Estas axudas estarán destinadas ao alumnado que estea matriculado nunha titulación oficial de grao ou máster no curso 2019-2020.

Presentación de solicitudes

A presentación das solicitudes realizarase a través da sede electrónica da USC, cubrindo un formulario dirixido á Xerencia da USC. Podes visualizalo pinchando aquí.

Xunto coa solicitude achegarase factura correspondente ao período subvencionable.

Prazo de presentación de solicitudes: do 2 ao19 de xuño de 2020.

As consultas sobre a convocatoria ou a presentación de solicitudes dirixiranse á Oficina Virtual de Atención da Universidade de Santiago de Compostela a través da seguinte dirección de correo electrónico: estudantado.oficinavirtual@usc.gal

Podes consultar as bases da convocatoria premendo na seguinte resolución reitoral.