O Caravaning aumenta moito este verán pola crise do coronavirus

Dende que finalizou o estado de alarma o pasado 21 de xuño e se instaurou a nova normalidade, os plans de moitos españois cambiaron. O turismo de masas e as viaxes afastadas quedaron atrás e a tendencia mudou a outro tipo de turismo, o Caravaning. Ademais do Caravaning, outra alternativa con preferencia este verán foi o turismo rural, que aumentou en relación ao contexto que estamos a vivir.

Nos seguintes gráficos móstrase unha tendencia á alza tanto da compra como o aluguer de autocaravanas ou caravanas, novas ou de segunda man:

O crecemento de máis do 80% con respecto ó ano anterior das procuras relacionadas con “alugar autocaravana”, rexistraron só en xuño de 2020 unhas 110.000 procuras. Coas palabra chave “alugar caravana” as buscas foron dun total de 40.500 e cun crecemento tamén por riba do 80%. Ademáis o aumento superior ó 125% da compra de caravana de segunda man.

O viaxeiro da ‘Nova Normalidade’

– Máis dixital: Realiza procuras, reservas da viaxe por internet.
Aforrador: Ante esta crise sanitaria e económica como consecuencia da Covid-19, o cliente gaste menos.
Preocupación pola seguridade e a saúde: Valora moito as medidas hixiénicas dos establecementos turísticos onde vai.
Preferencia polos destinos onde realizar actividades ao aire libre e con flexibilidade para modificar e cancelar reservas: Isto é debido a que se xorden novos brotes que fagan que se restrinxa a mobilidade.

As procuras de alternativas vacacionais creceron case un 30% nos últimos meses, para destinos de proximidade e na natureza, ós que se poida chegar con vehículo propio, como é o caso das autocaravanas.

Fonte: weekenddesk.es

En definitiva, este verán o turismo caracterízarase principalmente pola proximidade e as viaxes por estrada en vehículo propio como as autocaravanas. Estas últimas, ofrecen unha liberdade de movemento e un baixo risco de contagios provintes do exterior ó dispoñer de todos os servizos precisos dentro da mesma.

O DoubleTree by Hilton A Coruña abre as súas portas

Este xoves, 10 de setembro, abrirá as súas portas o DoubleTree by Hilton A Coruña, o primeiro hotel da recoñecida marca hoteleira en Galicia. En conxunto, o proxecto supuxo un investimento de 14 millóns de euros e supón a creación de 40 postos de traballo directos e 20 indirectos.

O establecemento foi inaugurado días antes da súa apertura nun acto institucional ao que asistiron distintas autoridades, entre elas, o presidente da Xunta de Galicia, Alberto Núñez Feijóo, o delegado do Goberno, Javier Losada, e a alcaldesa da Coruña, Inés Rey.

Deseño, tecnoloxía e innovación nas instalacións

Deseño, tecnoloxía e innovación son tres das características do novo hotel, que conta con 59 habitacións de diferentes categorías (estándar, deluxe, premium e unha gran suite).

Nas súas instalacións conta cunha gran terraza lunch, deseñada tanto para inverno como para verán; unha sala polivalente con biblioteca, que pode ser utilizada para reunións de empresa, e unha terraza privada. Ademais, no establecemento os clientes poderán atopar un salón de beleza cos últimos tratamentos do mercado, unha sauna finlandesa e un ximnasio.

Nas súas instalacións contará co restaurante Hünico, o cal estará dirixido polo chef galego Adrián Felípez, recoñecido na cidade polas súas elaboracións en Faragulla. A máxima do proxecto gastronómico é conseguir a excelencia, polo que, ademais de produtos galegos incorporaranse outros de primeira calidade.

É o primeiro hotel boutique da cidade e pretende converterse nunha referencia hostaleira e gastronómica de Galicia.

Evidentemente o público medio alto e os altos executivos son clientes potenciais deste hotel. Xa conta con 70 reservas para este mes de setembro.

 

Fonte: Tur43

Galicia elixido o mellor destino turístico este verán por diante de Menorca

Galicia supera a Menorca como destino para viaxar neste 2020

A guía de viaxes Lonely Planet, a través das súas redes sociais, lanzou unha macroenquisa coa seguinte pregunta: ¿cal sería o teu destino para viaxar este verán por España?

Máis de 20.000 viaxeiros deixaron as súas opinións e, na gran final, Galicia impúxose a Menorca como destino ideal.

Neste caso os viaxeiros apreciaron que Galicia é un destino seguro, respecto á Covid- 19, á parte da infinidade de recursos turísticos que se complementan perfectamente. Os recursos turísticos que máis destacan son a cultura, a gastronomía, que se caracteriza polo respecto exquisito pola materia prima tanto de produtos de mar como de terra e prodixiosa nos seus viños, as súas praias e a natureza.

En Galicia pódeste perder en bosques milenarios como as Fragas do Eume, ademais dunha sesión de spa nas termas de Ourense. Podes coñecer a historia de Galicia a través de cidades como Lugo ou Santiago de Compostela, visitando a muralla romana ou a catedral, respectivamente, ou tamén cidades como Vigo ou A Coruña.
Se prefires praia, Galicia conta con 1.500 km de costa, con recunchos paradisíacos escondidos entre as súas rías.

Tras pasar por Galicia, tamén o viaxeiro saberá o que é a “morriña”.

Fonte: El Correo Gallego

Parque natural das Fragas do Eume

O Parque natural das Fragas do Eume é o último bosque atlántico que segue o curso do río Eume. A mellor forma de coñecer o Parque é camiñando pola rede de carreiros existentes, que suma un total de 8 roteiros.

Parque Nacional Marítimo-Terrestre dás Illas Atlánticas

No Parque Nacional Marítimo-Terrestre dás Illas Atlánticas atópase a que é considerada unha das mellores praias do mundo segundo o xornal The Guardian: A praia de Rodas. As Illas Cíes e as Illa de Ons, xunto coa súa irmá Onza ou Onceta e o illote das Freitosas, constitúen este paraíso natural protexido. As primeiras sitúanse enfronte da ría de Vigo e as últimas pechan a ría de Pontevedra cunha liña de costa perfilada con area de praias.

Catedral de Santiago

Lugar onde se atopa a tumba do Apóstolo Santiago. Declarada Monumento Histórico-Artístico en 1986.

Muralla de Lugo

Rodea a cidade de Lugo, é Patrimonio da Humanidade. Construída hai máis de 17 séculos, mide máis de 2 km e ten 10 portas.

 

Fonte: Xunta de Galicia

Medidas para a reactivación da economía

Control sanitario dos pasaxeiros internacionais

É crucial para o sistema de saúde pública a detección precoz de casos importados de coronavirus, os cales puidesen xerar brotes no país. Tamén é de vital importancia a localización, de xeito inmediato, das persoas que tivesen contacto con outras que resultasen positivas ou tivesen síntomas.

Se chegase o momento de presentarse unha situación grave, o Goberno pode decretar o estado de alarma nunha parte do territorio, ou mesmo en todo o territorio.

Actualmente, cos brotes activos coas medidas adoptadas como o retroceso a unha fase máis restritiva, é suficiente sen que sexa necesario implementar outras moito máis restritivas, máis aló das sanitarias.

Fonte: La Voz de Galicia 

O Ministerio de Sanidade determinará os controis sanitarios necesarios aos que deben someterse os pasaxeiros que cheguen a España por vía aérea ou marítima e o alcance dos devanditos controis, sendo o responsable da súa execución.

Estos controis sanitarios poderán incluír a toma da temperatura, un control documental e un control visual sobre o estado do pasaxeiro. No que se refire ao control documental, os pasaxeiros con orixe en calquera aeroporto ou porto situado fóra do territorio español, deberán cumprimentar un formulario de saúde pública.

Se no proceso do control sanitario se detecta que un pasaxeiro pode padecer COVID-19 ou outra patoloxía que poida supoñer un risco para a saúde pública, realizarase unha avaliación médica na que se valorarán os aspectos epidemiolóxicos e clínicos do pasaxeiro. Se se confirma que o pasaxeiro padece COVID-19 ou outra patoloxía que poida supoñer un risco para a saúde pública, activaranse os protocolos establecidos para a súa derivación a un centro sanitario.

 

Fonte: BOE

 Posible veto a viaxeiros procedentes de EEUU, Brasil e Rusia.

Ante a situación de crecemento mundial da pandemia, a UE estaríase a expor a vetar a entrada a viaxeiros procedentes de EEUU, Brasil e Rusia. Nestes países, a pandemia está lonxe de ser controlada, mostrando os seguintes datos:

  1. Estados Unidos é o país con máis casos detectados de todo o mundo, con máis de 2,3 millóns (120.771 mortes).
  2. En segundo lugar sitúase Brasil, con máis de 1,1 millóns (51.271 falecidos).
  3. E en terceiro lugar está Rusia con case 600.000 casos e 8.349 mortes rexistradas, segundo a Universidade John Hopkins.

Fonte: El Diario.es

Os Reis lanzan en Canarias unha mensaxe de ánimo e recuperación do turismo

Os reis de España, don Felipe e dona Letizia, están a realizar un circuíto que lles levará por todas as comunidades autónomas. Esta xira comezou onte nas Illas Canarias, para coñecer de primeira man a rectivación do sector turístico nunha das zonas máis golpeadas por esta crise da pandemia do Covid- 19. O 60% da poboación das illas canarias depende directa ou indirectamente do sector turístico.

Xunto con representantes do sector turístico, o rei insistiu en levantar o ánimo e en comezar a reactivar o país mediante as axudas nacionais e europeas.

 

 

Fonte: El País

Novo obradoiro familiar do Museo de Historia Natural

A web do museo comezou a publicar actividades para realizar no fogar durante o período de confinamento baixo o lema “O MHN na casa”.

A última actividade publicada na páxina web do museo é “Tras os rastros nun piñeiral costeiro”, para realizar unha saída ao bosque e observar o que alí se pode atopar.

Máis información sobre a actividade no seguinte enlace .

Enviando unha fotografía para compartir nas redes sociais do MHN ao correo visitas.museohistorianatural@usc.es, as persoas participantes entran no sorteo mensual dunha visita familiar gratuíta ao Museo e ademáis moitos máis regalos.

Fonte: Xornal USC

A Xunta de Galicia lanza a campaña “Galicia volve”

A Xunta de Galicia lanza a campaña “Galicia volve” reactivando o turismo e destacando a comunidade galega como segura e entrañable

 

O presidente da Xunta de Galicia, Alberto Núñez Feijóo, participou hoxe na presentación da nova campaña de promoción turística “Galicia volve”, onde deu a benvida aos visitantes a unha Galicia resaltando que a comunidade os espera cos brazos abertos.
Na presentación, participaron ademais o conselleiro de Cultura, Román Rodríguez e o presidente do Clúster de Turismo de Galicia, Cesáreo Pardal.

Desde o 21 xuño, Galicia prepárase para recibir turistas grazas á apertura do espazo Schenguen e a partir do 1 de xullo a comunidade recibirá aos veciños de Portugal. Tamén o 1 de xullo abrirá as súas portas a catedral de Santiago, volvendo ser o lugar de encontro espiritual de Europa e dos peregrinos que realizan o camiño de Santiago.

Galicia, despois de tres meses de confinamento, ofrece 986 praias, dous millóns de hectáreas de bosques, unha oferta termal incomparable e un patrimonio secular rico, diverso e accesible.

Feijóo destacou que “cada novo establecemento que reabre as súas portas é unha parte de Galicia que recobra vida e ilusión”, e valorou o esforzo e a implicación de todo o sector para facer, en colaboración coa Administración galega, que turismo e seguridade fosen da man.

O sector turístico representou no 2019 case o 10,5% do PIB galego e o 11% do emprego.

Pola súa banda, Cesáreo González Pardal asegurou que o sector está máis preparado que nunca para dar seguridade e tranquilidade, xa que Galicia conta con recursos impresionantes e recibirá a todo o mundo cos brazos abertos.

Fonte: Xunta de Galicia 

“Galicia volve” busca o regreso do turismo á comunidade, como un destino seguro, privilexiado e entrañable, onde calquera pode sentirse como na súa casa e ten acceso a unha cultura do auténtico.

Benedicta Sánchez, que gañou un premio Goya pola súa interpretación no filme O que arde dirixida por Oliver Laxe, é a imaxe desta iniciativa e representa ás persoas maiores, que foron os que máis padeceron nestes meses da pandemia do Covid- 19.

Fonte: La Voz de Galicia

 

A continuación, pódese visualizar a campaña nomeada a anteriormente:

 

Campaña “Galicia volve”