O pasado día 18 de decembro de 2020 celebrouse un pequeno acto institucional para presentar a finalización dos traballos de restauración da catedral que se realizaron durante anos. O acto comezou cunha pequena introdución por parte do Deán da catedral Segundo Pérez. Ao devandito acto tamén acudiron personalidades como o arcebispo Monseñor Julián Barrio, o Delegado do Goberno de España en Galicia Javier Losada, o presidente da Xunta Alberto Núñez Feijóo e o alcalde de Santiago Xosé A. Sánchez Bugallo.

Todos os proxectos de restauración e conservación foron posibles grazas ao esforzo das distintas administracións centrais e autonómicas, ao Arcebispado de Santiago, así como á Fundación da Catedral de Santiago de Compostela. Os traballos leváronse a cabo dende 2010 en espazos como a torre do reloxo, fachadas, bóvedas, así como na capela maior, onde se recuperaron policromías e no altar (máis información).